Ауæрдаг поликлиникæ

Дзæуджыхъæуы 7 поликлиникæйы цалцæггæнæн куыстытæ ныр дæр-ма цæуынц. Куыстытæ æххæст кæнынц федералон проект «Ауæрдаг поликлиникæ»-йы фæлгæты. Йæ фæрцы дзæбæхгæнæндоны алыварс, бахизæнтæ æмæ бæстыхæйттæ саив кæндзысты. Куыстытæ райдыдтой афæдзы райдиан. Фыццаджы-фыццагдæр бацæттæ кодтой регистрацигæнæн бынæттæ. Ныр поликлиникæйы кусджытæ æмæ пациенттæ кæрæдзимæ комкоммæ ныхас кæндзысты..Аразджытæ барæсугъд кодтой бахизæнтæ, баивтой дуæрттæ, сног кодтой пандустæ, кæрты цы фонтан ис, уый дæр. Фæзынд ма дзы сывæллæтты коляскæтæ ныууадзæн кæм ис, ахæм бынат дæр. Ныр пациенттæ æмæ медицинон кусджытæ поликлиникæмæ цæудзысты хицæн бахизæнтæй.Поликлиникæ дихгонд æрцыд цалдæр хайыл: сывæллæттæн, хистæр кары адæмæн æмæ æнхъæлцау сылгоймæгтæн. Афæдзы кæронмæ  цалцæггæнæн куыстытæ фæуыдзысты. Дзæуджыхъæуы 7 поликлиникæйы сæйраг дохтыр Албегов Батраз: «Боныхъæд дзæбæх кæй у, уымæ гæсгæ рахызтыстæм кæрты цы куыстытæ бакæнын хъæуы, уыдонмæ. Уынджы куыстытæ куы фæуой, уæд та кабинеттæм баналдзыстæм. Ацы куыстыты фæстæ рахиздзыстæм мидæггаг куыстытæм». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv