"Блокчейн"-ы фæрцы фæкъаддæр уыдзысты æнæзакъон митæ

Нырæй фæстæмæ йæ дзыпп æнæзакъонæй байдзаг кæныныл чи архайы, уыдонæн сæ рохтыл æрхæцдзысты. Уыцы хъуыддæгтыл ныхас кодтой Дзæуджыхъæуы æппæтуæрæсеон наукон-практикон конференцийы. Архайдтой дзы алыхуызон информацион технологиты специалисттæ, федералон æмæ регионалон хицаудзинады оргæнтæ. Республикæйы сæргълæууæджы номæй уазджытæн арфæ ракодта хицауады сæрдары хæдивæг Фадзайты Æхсарбег. Конференцийы архайджытæ дзырдтой ног нымæцон гæнæнтыл. Сæрмагонд системæ "Блокчейн"-ы фæрцы фæкъаддæр уыдзысты æнæзакъон митæ. Организацитæн æмæ куыстуæттæн сæ бон нæ уыдзæн æхцатимæ фæливæн митæ кæнæн. Уымæн æмæ æппæт операцитæ дæр фенæн уыдзæн системæйы архайды. Специалистты хъуыдымæ гæсгæ, ног программæ гæртæмттæ исыны хъуыддаг бындуронæй нæ сыскъуындзæн, фæлæ йæ пайда уыдзæн ахадгæдæр. Ацы къуырийы системæ скусын кæндзысты нæ республикæйы информацион технологиты æмæ бастдзинады управленийы. Сæлбиты Алан республикæйы информацион технологиты æмæ бастдзинады управленийы сæргълæууæг: Ацы фæрæз нын бар дæтты дыууæйæ цы хъуыддагыл кусынц, уый æнæ æртыккаг адæймагæй æххæст кæнынæн. Зæгъæм, мулк регистрацигæнгæйæ уæ нотариусы æххуыс нæ бахъæудзæн. Æхца та æндæр ранмæ арвитæн уыдзæн банчы лæггæдтæй нæ пайдагæнгæйæ. Уый нын нæ куысты æнтыстдзинæдтæ фæфылдæр кæндзæн, хæрдзтæ та къаддæр фæуыдзысты. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv