Æппæтуæрæсеон адæмон фронты уæнгтæ сбæрæг кодтой ног фатерты арæзтад

Цæгат Ирыстоны сæдæгай бинонтæ æнхъæлмæ кæсынц кæлæтдзаг хæдзæрттæй сæ ног цæрæнбынæттæм кæд раивдзысты, уымæ. Цæмæй адæмæн ног фатертæ рахай кæной, уый фæдыл республикæ архайы сæрмагонд национ проекты. Уæрæсейы раздæрдæр ацы программæйы куыстой, фæлæ ногмæ бахастой ивддзинæдтæ. Ныр паддзахад бирæуæладзигон хæдзæрттæ нал аразы, фææлæ сæ æлхæны арæзтадон компанитæй. Уыйдон сæ куыст куыд кæнынц, уымæ цæст дарынц Æппæтуæрæсеон адæмон фронты уæнгтæ. Рацыдысты радон рейды. Æппæтуæрæсеон адæмон фронты уæнгтæ фыццаджыдæр бабæрæг кодтой Хъæбæлоты Билары номыл уынджы арæзтад. Ам йæ цæрæнуат заууат уавæрмæ кæмæн æрцыд, ахæм бинонтæн дзы аразынц 45 ног фатеры. 5 уæладзыгон хæдзар хъуамæ срæвдз уа фидæны азы кæронмæ. Ацы хъуыддаг къухы бафтыд «Жильё и городская среда», зæгъгæ, национ проекты фæлгæты. Йæ райрæзтыл кусдзысты хæстæгдæр 6 азы. Уыцы рæстæджы æмгъуыдмæ ног фатеры дæгълтæ райсдзысты 420 бинонтæ. Хæдарцаты Аслæнбеджы номыл уынджы цы ног хæдзар фæзынд, уый йæ цæрджытæм æнхъæлмæ кæсы. Ардæм кæлæтдзаг хæдзæрттæй рацæудзысты 7 бинонтæ. Уæрæсейы раздæр дæр ног цæрæнбынæттæ хай кодтой лигъдæттæн, фæлæ ацы программæйы ис ивддзинæдтæ. Ныр паддзахад бирæуæладзыгон ног хæдзæрттæ аразгæ нæ кæны, фæлæ фатертæ амал кæны. Беслæны цы ног бирæуæладзыгон хæдзар ис уый арæзтадмæ активисттæм фарстатæ фæзынд. Зæгъæм фатертæй иуы цар раст арæзт не `рцыд, рудзгуытæ æмæ къулы астæу разынд зыхъыртæ. Миддæггаг куыстыты хæрзхъæддзинад дæр сæ хуыздæртæй нæ разынд. Уый аххосæй чъыр згъæлын райдыдта. Æппæт хъæндзинæдтæ дæр æппæтадæмон фронты уæнгтæ фжнысан кæнынц чырæ телефоны камерæмæ. Уый фæстæ сæ арвитынц бынæттон администрацимæ. Уым хъуамæ æппæт хъæугæ мадзæлттæ дæр скæной сæ аиуварс кæнынмæ. Дзæуджыхъæуы æмæ Горæтгæрон районæй уæлдай ма лигъдæттæн ног хæдзæрттæ фæзындзæн Мæздæг æмæ Дыгуры районы. Æппæтуæрæсеон адæмон фронты уæнгтæ зæрдæ дарынц арæзтады хæрзхъæдмæ зæрдæ кæй не `хсайдзæн. Куыстытæ куыд æххæст кæнынц уымæ дарддæр сæ хъус дардзысты. Хетаг Плиев _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv