Куыд нæ йæ æмбарынц?

Газæй закъонмæ гæсгæ пайда кæнын. Уый у «Газпром межрегионгаз»-ы специалистты сæйраг домæн. Закъонхалджытæ та бирæ... Уый зонгæйæ, специалисттæ аразынц рейдтæ. Ныридæгæн газ кæм давынц, ахæм хæдзæрттæ республикæйы районты рабæрæг кодтой сæдæйæ фылдæр. Закъоны сæрты чи ахизы уыдонæн сæ газы хæтæлтæ сæхгæнынц. Алагиры районы уыд газы кусджыты радон рейд. Иу мæймæ дзы раиртæстой цъæх артаг йæ хæдзармæ йæхи æгъдауæй чи бауагъта, ахæм 20 хæдзары. Сæ хицæутты сæ хæстæ фидыны сæ кæй нæ фæндыд, уымæ гæсгæ сæ зæрдыл æрыфтыд æмæ сæм æнцондæр фæкаст закъоны сæрты ахизын. Ныр цалынмæ нæ бафидй, уæдмæ баззадысты æмæ коммуналон лæггадæй - сæ газуадзæн хæтæл алыг кодтой. «Йæхи æгъдауæй газ чи бауагъта, уый ныртæккæ алыг кодтам артагæй. Загътам сын фадат кæй ис æгъдаумæ гæсгæ бадзырд бафыссын. Уыцы фæтк æмбарын кæнæм цæрджытæн, цæмæй закъон ма халой», - æнæххæстбарджын æхсæнад «Газпром межрегионгаз»-ы адæмимæ кусæг хайады хицау Сырхауты Фатимæ. Ведомствæйы специалисттæ уай тагъд алыг кæнынц адæм сæ хæдзæрттæм цы шлангтæ бауадзынц, уыдон. Хæтæлтæ та сæндадзынц. Фæлæ ахæм мадзæлттæ дæр бирæ нæ ахæссынц. Куыддæр газы хæдзарады кусджытæ ацæуынц, афтæ та сæ хæдзары цæрджытæ ногæй баиу кæнынц. Бирæты хъуыдымæ гæсгæ, ацы фарста дызырдыггаг у. Иуырдыгæй адæмы бамбарæн ис. Сæ `ппæтæн сæ къух нæ амоны коммуналон хæстæ бафидын. Уыцы хъуыдыйæн специалисттæ дæттынц дзуапп - йæ царды уавæртæ хуыздæрхъуаг кæмæн сты, иунæг æмæ фæкæсинаг чи у æмæ бирæ сывæллæттæ кæмæн ис, уыдонæн скодтой сæрмагонд программæ. Уымæ гæсгæ хæс бафидын уыдзæн æнцон дæр. Бар сын ис субсидитæ райсынæн дæр. Хи гъдауæй пломбæтæ ратонын æмæ газы хæтæлтæй пайда кæнын хорз миниуæг нæу. Фидын уæддæр бахъæудзæн. Уыимæ ма ивар дæр. 1 январæй йæ бæрц 4 мин сæмæй фæфылдæр 15 мин сомы онг. Фæлæ уый дæр æппæты ахсджиаг нæу. Стыр ивартæ ницы сты, сæйрагдæр æдасдзинад у. Цæстдарджытæ кæй бабæрæг кодтой, уыдонæй та алкæй хæдзары дæр ис æнахъом сывæллæттæ. Æрвылаз Цæгат Ирыстоны сыгъдхъæстæ газæй хъыгдард баййафынц дæсгай адæймæгтæ. Зынгсирвæзтытæ дæр дзы рцæуы, хъыгагæн, вæййы афтæ æмæ уæззау фæстиуджытæм дæр расайынц. Æвирхъау цаутæн та сæ аххоссаг иу у - газы кусæнгарз æмæ куыд ифтонг сты, уымæ куыд фæндыйы цæстæй кæсæн нæй. Брытъиаты Феликс _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv