Музыкалон театр «Премьера» æппæтадæмон фестивалы рамбылдта гран при

«Москва верит талантам», зæгъгæ, æппæтадæмон фестиваль-æркасты сывæллæтты театр «Премьерæ» сси гран-прийы аккаг. Цæгат Ирыстоны минæвæрттæ бацахстой 3 фыццаг бынаты. «Драматический театр», «Театр танца» æмæ «Эстрадный танец»-ы номинациты нæ республикæйы сывæллæтты сфæлдыстады галуаны хъомылгæнинæгтæ сæхи равдыстой иттæг хорз. Сæ ахуыргæнæг Еленæ Смирнова та хорзæхджынгонд æрцыд «Лучший хореограф»-ы дипломæй. Ацы æркаст ацыд январы фыццаг къуыри проект «Салют талантов»-ы фæлгæты. Архайдтой дзы нæ бæстæйы 40 горæтæй минæвæрттæ. Æдæппæттæй 1 мин æмæ 5 сæдæ сабийæ фылдæр. Фестивалы ма архайдтой Шри-Ланка, Турк, Узбекистан æмæ Украинæйы минæвæрттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv