Битарты Вячеслав фембæлд Мæздæджы цæрджытимæ

Битарты Вячеслав ма Мæздæджы фембæлд цæрджытимæ. Сæ аиуварсгæнинаг фарстатимæ республикæйы сæргълæууæгмæ æрбацыдысты 8 адæймаджы. Хъуыддæгтæ баст уыдысты паркты аивгæнæн куыстытимæ, хæрзхъæд медицинон лæггæдтимæ æмæ царды зын уавæрты чи бахауд, ахæм бинонтæ. Фидæны аз Хъызлар бæрæг кæндзæн йæ равзæрды 270 азы. Хъæуы цæрджыты тыхтæй 5 азы размæ Уæлахизы 70 азы бонмæ бындур сæвæрдтой паркæн. Ныссагътой дзы мингай бæлæстæ. Ныртæккæ дзы сараздзысты сывæллæтты æмæ спортивон фæзтæ. Къахвæндæгтыл байтыдтой ног асфальт. Республикæйы сæргълæууæгмæ æххуыс агур фæсидт амалхъом адæмы æхсæнадон советы сæрдар Руслан Халилюлин. Битарты Вячеслав бабар кодта паркы аивгæнæн куыстытæн сметæ бацæттæ кæнын æмæ йæ Уæрæсейы хъæууон хæдзарады сæрмагонд программæтæм баххæсын. Мæздæджы Гагарины номыл уынджы цæрджытæ хъаст кæнынц сывæллæттимæ сæ рæстæг кæм æрвитой, ахæм бынæттæ дзы кæй нæй, уымæй. Фарста аиуварс кæндзысты сæрмагонд федералон программæйы фæлгæты. Битарты Вячеславмæ ма курдиатимæ фæсидтысты бинонтæ хъæугæ медицинон æххуыс бакæнынмæ. Ацы хъуыддаг бабар кодтой республикæйы æнæниздзинад хъахъхъæнын министрадæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv