Цæлыччы æвзарæнтæ

Уалдзæг ралæууыд. Адæм ног хæрзтæм æнхъæлмæ кæсгæйæ, сæ бонтæ æрвитынц. Æрæджы уыдысты президенты æвзæрстытæ, уыдонæй та уæлдай бæрæг уыд адæм кæуыл æууæндынц, уый. Равзæрстой нæ бæстæйы раздзоджы. Ныр та сæ хъæуы сæ чысыл райгуырæн бæстæйы рæзтыл чи бакусдзæн, Ахæм æвзарæн мадзæлттæ ацыдысты Цæлыччы. Æавзæрстой хъæуы хицауы. Цæрджытæн уый æцæг бæрæгбон ссис. Æвзарæн хæйад бабæрæг кодта нæ къорд дæр. Сæ балц æнтысджын рауад. Базыдтой цавæр ныфсытимæ цыдысты цæрджытæ æвзарæн пункттæм, уыдон. Цы фидæнмæ æнхъæлмæ кæсынц, уый радзурдзæн нæ уацхæссæг. Цæлыччы хъæуы астæу адæмæй къах бавæрæн дæр нæй. Хъæуы цæрджытæ иуылдæр тагъд кæнынц сæ граждайнаг хæс сæххæст кæнынмæ. Ацы хатт æвзарынц хъæуы хицауы. Æвзæрстытæм æрбацыд хъæуы кадджын хистæр дæр. Æвзарæн хайады сæвæрдтой сæрмагонд кусæнгæрзтæ-КАИБ-тæ. Сты автоматизацигонд æмæ сæхæдæг нымайынц цал бюллетены дзы ныппæрстой, ома, æвзæрстытæм цал адæймаджы æрбацыд уый. Уыимæ ма хъæлæстæ банымайын дæр æнцондæр уыдзæн. Цæлыччы æвзарджытæ мин адæймагæй фылдæр сты. Æвзарæн къамисы уæнгæ куыд зæгъынц, афтæмæй сæ конституцион хæс сæххæст кæнынмæ адæм зæрдиагæй æмæ разæнгардæй цыдысты. Æхсызгон уый у, æмæ дзы уагхæлдтæ дæр кæй нæ уыд, уый. Цæрджытæ зæрдæ дарынц, ногæвзæрст хъæуы хицау бакусдзæн Цæлыччы цы бирæ лыггæнинаг фарстатæ ис уыдоныл. Хъæуы нæй сывæллæтты рæвдауæндон. Фæстаг рæстæг та ма сæм æнæмбæлгæ фæзынд ран бырондон. Уæдæ хъæуы астæу цы кæлæццаг хæдзæрттæ ис, уыдоны уавæр куыд уыдзæн, уый цæрджыты катайы æфтауы. Цæрджыты ног хæдзæрттæм раивтой, фæлæ зæронд арæзтадтæ нæ фехæлдтой. Æвзæрстытæ райдыдтой кафтæй æмæ зардæй, уыд ма дзы спортивон ерыстæ дæр. Хъæуы цæрджытæ сæ тыхтæ фæлвæрдтой армрестлингæй. Æвзонг æфсæддоныты къорд равдыстой сæ арæхстдзинæд. Хорз ма уый у æмæ нырыккон кусæнгæрзты руаджы æвзæрстыты хатдзæгтæм бирæ æнхъæлмæ кæсын нæ бахъуыд. Цæрджытæн сæ фыолдæр сæ хъæлæстæ радтой Санахъоты Æдуардæн. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv