Википедийы пайдагæнджытæ расидтысты конкурс «Вики любит Кавказ 2019»

Википедийы пайдагæнджытæ расидтысты конкурс «Вики любит Кавказ 2019». Конкурс уыцы иу рæстæг цæуы ирон, лезгинаг æмæ цæцæйнаг къабазы. Конкурсы фæлгæты, марафоны архайджытæ хъуамæ радзурой сæ регионты рæсугъддæр бынæттыл. Конкурсы фацархайыны фадат ис алкæмæндæр. Хъæуы os.wikipedia.org сайты хи бафыссын. Уый фæстæ цы объекты тыххæй уæ фæнды радзурын, уый тыххæй статья ныффысын. Статьяйы æппынкъаддæр хъæуы спайда кæнын 300 дзырдæй. Статья куы сцæттæ уа уæд ма йæ хъæудзæн конкурс кæм цæуы, уыцы фарсыл ныффидар кæнын. Зæрдылдарæн лæварæй уæлдай ма сразæнгард кæнæн ис, нæ регионы тыххæй фылдæр адæм кæй базондзæн уый. Интернет-энциклопеди Википеди кусы 297 æвзагыл. Уыцы хыгъдмæ 2005 азæй хауы ирон æвзаг дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv