Владимир Путин æмæ Битарты Вячеслав абон фембæлдысты Ново Огарёвойы

Уæрæсейы президент Владимир Путин æмæ нæ республикæйы сæргълæууæг Битарты Вячеслав абон фембæлдысты Ново-Огарёвойы. Æрдзырдтой Цæгат Ирыстоны социалон-экономикон рæзты фарстатыл. Фарон апрелы Уæрæсейы президент республикæйы хицауадæн æмæ федералон центрæн цы бахæс кодта, уыцы фарстатæ æххæстгонд æрцыдысты. Республикæйы æхсæнадон, политикон æмæ экономикон райрæзтыл æмæ цардыл хуыздæрырдæм фæзындысты. Ахæм цæстдарды тыххæй Битарты Вячеслав загъта бузныджы ныхæстæ. Нæ республикæйы сæргълæууæг радзырдта 2030-æм азмæ цы рæзты пъланыл кусынц, уый тыххæй дæр. Йæ сæйраг хъуыдытæй иу у - республикæйæн йæ бон æнæ дотацитæй кусын куыд уа, уый. Ныридæгæн Цæгат Ирыстоны дотациты нымæц 5 проценты фæкъаддæр. Дарддæр дæр ууыл архайдзысты. Битарты Вячеслав ма йæ ргом аздæхта нæ республикæйы инвестортæн цы уавæртæ аразынц, уыдонмæ. Зæгъæм, Зæрæмæджы Гидроэлектростанцæ. Хардзгонд ыл цæуы 49 миллард сомы. Байгом æй кæндзысты 2019 азы.  Владимир Путины базонын фæндыд социалон къабазы цы куыст цæуы, уый тыххæй. Битарты Вячеслав радзырдта, Цæгат Ирыстоны кæй аразынц æмæ цалцæг кæнынц 55 объекты. Сæ иу Тарнизы ныхмæ диспансЕр. Аразынц æй фæткмæ гæсгæ. Хъуамæ байгом уа 2019 азы 1 январы. Ацы аз ма сывæллæттæн байгом кæндзысты 4 рæвдауæндоны. Нæ республикæйы æнтысджынæй æххæст кæнынц Президенты майы указтæ дæр. Уæлдай ргом здахынц бюджетон къабазы кусджыты мыздмæ. Уыцы бæрæггæнæнтæм гæсгæ ныртæккæ Цæгат Кавказы Федералон зылды Цæгат Ирыстон дыккаг бынаты ис. Фыццаг бынаты ис Стъарапол. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv