Цæгат Кавказы хæххон-металлургон институты архитектурон-арæзтадон факультеты студенттæ ног кæнынц, Революцийы уынгыл цы хæдзæрттæ ис, уыдонæй иуы къулыл цы ныв уыд, уый. Бирæ азты бæстыхай рæсугъд кодта зæронд Дзæуджыхъæуы ныв. Цалдæр мæйы размæ объекты хицау ам фæуæрæхдæр кодта дуар æмæ рудзгуытæ, афтæмæй хъыгдæрд баййæфта нывгонд панно. Æппæт куыстытæн дæр бар радтой бынæттон администраци æмæ, культурон нысаниуæг кæмæн ис, ахæм объекттæ хъахъхъæныны комитеты. Сæйраг нысан уыд паннойы скъуыддзæгтæ сног кæнын, уыимæ йын йæ фыццагон хуыз бахъахъхъæнын. Сæ куысты пайда кæнынц хæрзхъæд ахорæнтæй. Куыстытæ кæронмæ сæххæст кæндзысты къуырийы кæро н. Бафтаудзыстæм ма, студенткæтæ раздæр кæй архайдтой санаторий «Ирыстон»-ы корпустæй иуы паблик-арт саразыныл.