Космонавт Юрий Лончаков фембæлд Дзæуджыхъæуы скъолатæ æмæ училищæты ахуырдзаутимæ

Уæрæсейы хъæбатыр, космонавт Юрий Лончаков фембæлд Дзæуджыхъæуы скъолатæ æмæ училищæты ахуырдзаутимæ. Уый иу æмæ дыууæ хатты нæ уыд гом космосон тыгъдады. Уымæй уæлдай ма уыд космонавтты цæттæгæнæн центры разамонæг дæр. Фæсивæдæн Юрий Лончаков радзырдта, космосмæ тæхынмæ хи куыд фæцæттæ кæнынц, уый. Уымæй уæлдай ма скъоладзаутæн равдыстой, Юрий Гагарин 58 азы размæ космосмæ куыд атахт, уый тыххæй документалон киноныв. Фенæн дзы уыдис фыццаг космонавты тыххæй, æмбал кæмæн нæй, ахæм архивон æрмæджытæ. Уæрæсейы хъæбатыр сывæллæтты фæрстытæн дзуæппытæ лæвæрдта. Рæзгæ фæлтæры тынгдæр базонын фæндыд, космонавт куыд суæвæн ис, уый. Мадзал сарæзтой Цæгат Ирыстоны ахуырад æмæ наукæйы министрад, стæй "Стыр Ныхасы" хъæппæрисæй. Фембæлд ацыд "Гагаринский урок", зæгъгæ, проекты фæлгæты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv