Дзæуджыхъæуы бындурон цалцæджы фæстæ байгом Фæсивæды галуан

Бындурон цалцæджы фæстæ кадджын уавæры байгом кодтой Фæсивæды галуан. Баивтой дзы инженерон хызæгтæ æмæ хъармгæнæн системæ. Сног кодтой материалон техникон бындур. Галуаны фæзынд ног акустикон системæ, сцалцæг æмæ сифтонг кодтой хи аивгæнæн агъуыстытæ. Æппæт куыстытæ дæр бакодтой "Регион для молодых" программæмæ гæсгæ. Кадджын мадзалы архайдта вице-премьер Платы Альбинæ. Арфæйы ныхæстæ загъта фæсивæдæн.