Сергей Меняйло хæрзиуджытæ радта хъæбатырты хæстæджытæн

Сергей Меняйло фембæлд, сæрмагонд æфсæддон операцийы архайгæйæ, чи фæмард, уыцы хæстонты бинонтимæ. Хъæбатырты хæстæджытæн тæфæрфæс ракодта, хæрзиуджытæ сæм радта. Президенты Указмæ гæсгæ, æфсæддон хæстæ æххæст кæнгæйæ, лæгдзинад, æвзыгъддзинад æмæ хиуыл нæ ахъуыды кæныны æууæлтæ равдисыны тыххæй Хъæбатырдзинады ордентæй сæ амæлæты фæстæ хорзæхгонд æрцыдысты хистæр лейтенанттæ Джиоты Андрей, Дриаты Энвер, Хуыгаты Артур, кæстæр сержант Евгений Абрашкин, сержант Дмитрий Кончаков æмæ рæнхъон ӕфсӕддон Виктор Жидаев.