Ректоры æвзæрстытæ

16 мартъийы Цæгат Кавказы хæххон металургон институты æвзардзысты ректоры - фехъусын кодта Битарты Вячеславимæ фембæлды рæстæг ахуыргæнæндоны ректоры хæстæ æххæстгæнæг, профессор Юрий Дмитрак. Юрий Дмитрак нæ республикæй сæргълæууæгæн радзырдта, уæлдæр сколайы разамонæджы бынатмæ кандидатты тыххæй. Сты "электрон-промышленнон куыстуæтты" кафедрæйы разамонæг Роман Клюев, автоматикон-металургон куысты кафедрæйы разамонæг Хæдзарæгаты Еленæ, стæй Юрий Дмитрак йæхæдæг. Аттестацион къамисы сæрдар Виктор Садовничий бæрзонд аргъ скодта кандидаттæн се ппæтæн дæр. Æвзæрстытæ уыдзысты институты ахуыргæнджыты æмбырды. Æдæппæтæй хъæлæс кæндзысты 122 адæймаджы. 50%-æй фылдæр хъæлæстæ кæмæ разына уый банымайдзысты институты ног ректорыл. Республикæйы сæргълæууæгимæ фембæлды ма æрныхас кодтой рауагъдонтæн куыст ссарын зын кæй у, ууыл. Юрий Дмитрак ма бафиппайдта, ацы аз Норильскмæ студентты арæзтадон къордты 150 адæймаджы кæй арвитдзысты, уый. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv