Уæрæсейы хицауад уæлæмхасæн хуызы рахай кæндзæн 1,5 млрд сомы, льготæтæ кæмæн ис, уыцы цæрджытæн хостæн. Уый тыххæй фехъусын кодта премьер Михаил Мишустин. Ныхас цæуы хостæ, медицинон сæрмагонд дзауматæ, инвалид-сывæллæтæн дзæбæхгæнæн хæринаг лæвар чи исы, уыдоныл. Се 'хсæн сты Фыдыбæстæйы стыр хæсты ветерантæ, Чернобылы фæстиуджытæ чи иуварс кодта, уыдон, йе 'нæниздзинад хъыгдæрд кæмæн у, уыцы адæм æмæ иннæтæ. Уыимæ ма, премьер адæмы зæрдыл æрлæууын кодта, уыцы хæрдзтӕн федералон бюджеты æвæрд кæй æрцыд 48 млрд сомы. Регионтæн цы фæрæзтæ æрвыст цыдысты, уыдон дæр уыдысты индексацигонд.