Дзæуджыхъæуы байгом кодтой мемориалон фæйнæг хæсты ветеран Хъыбызты Георгийæн

Дзæуджыхъæуы кадджын уавæры мемориалон фæйнæг байгом кодтой хæсты ветеран, Сырх тырысайы æмæ Сырх стъалыйы орденты кавалер Хъыбызты Георгийæн. Цæгат Ирыстоны номдзыд хистæр хъæбатырæй йæхи равдыста канд Фыдыбæстæйы Стыр хæсты нæ, фæлæ ма хæцыд Финляндийы ныхмæ хæстон операцийы дæр. Кадджын мадзалмæ æрбацыдысты ветераны хиуæттæ, Ветеранты советы минæвæрттæ æмæ хъомыладон-патриотон къордты уæнгтæ. Архайдта дзы Уæрæсейы гвардийы оркестр дæр. Мемориалон фæйнæг байгом кæныны кадджын мадзалмæ бирæ адæм æрбамбырд. Хъыбызты Георгийы номарæн нысан ауыгъд æрцыдис Ирыстойнаг уынджы, 9-æм хæдзары къулыл. Хъыбызты Георгий райгуырд 1912-æм азы, йæ сабибонтæй фæстæмæ йæ бæллиц уыдис авиатор суæвын. Афтæмæй ахуыр кæнынмæ бацыд æфсæддон-денджызон училищæмæ, Ленинграды. Уый каст куы фæци, уæд æй арвыстой уæлдæр авиацион ахуыргæнæндонмæ Ейскмæ. 1939 азы Хъыбызты Георгий архайдта Финляндийы ныхмæ хæсты. Уæд Фыдыбæстæйы Стыр хæстмæ дæр бирæ нал хъуыд. Кæд ыл 30 азы йеддæмæ нæ цыд, уæддæр æй æрыгон тæхджытæ хуыдт ой "Батя". Уыдис сын фæзминаг дæнцæг æмæ хъæбатыр хистæр. Хъыбызты Георгий службæ кодта 47-æм гвардион авиаполчы. Тæхджытæ архайдтой Кавказы тохы, немыцаг фашисттæй суæгъд кодтой Новороссийск, Феодоси, знаджы састой Балтикæйы. Йæ хъæбатырдзинады тыххæй нæ кадджын æмзæххоны уæдмæ схорзæхджын кодтой майдантæ «За боевые заслуги», «За взятие Кёнигсберг», «За оборону Кавказа». Абон ын йæ рухс ном ссарынмæ æрбацыдысты йæ хиуæттæ æмæ Уæрæсейы гвардийы минæвæрттæ, Ветеранты Советы уæнгтæ. Хъыгыгæн уый йæ къухы нæ бафтыд, хъысмæт æгъатыр разынд. Хæсты фæстæ Хъыбызты Георгий иттæг хорз бæрæггæнæнтимæ каст фæцис Ленины номыл æфсæддон-политикон Академи Мæскуыйы. Йæ арæхстдзинады тыххæй кæддæриддæр хъуыды кодтой, йемæ чи службæ кодта, уыдон. Хæсты ветеран йæ амæлæты бонмæ уыд фидæны фæлтæртæн зондамонæг æмæ куырыхон хистæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv