Медведев бадомдта национ проекттæ афоныл æххæст кæнын

Уæрæсейы премьер-министр Дмитрий Медведев æнæниздзинад хъахъхъæныны, фæллойы æмæ рухстауæн министрадтæн бафæдзæхста, цæмæй бамбарын кæной национ проекттæ æххæст кæныны къулымпытæ. Хицауады сæрдар сын уымæн радта бæлвырд æмгъуыд. Кусæндæтты минæвæрттæ хъуамæ дзуапп радтой, медицинон кусæндæттæ аразынæн зæххы гæппæлтæ афоныл цæуылнæ радих кодтой, уымæн. Медведев дзуаппмæ æнхъæлмæ кæсдзæн 22-æм августмæ. Уыцы хæс хауы æнæниздзинад хъахъхъæныны министрадмæ. Фæллойы министрад та 10-æм августмæ хъуамæ раиртаса, проектæ «Хистæртæ» æмæ «Демографи» афоныл цæуылнæ сæххæст кодтой, уымæн. Хатдзæгтæй уæлдай ма Медведев бадомдта хъуыддаг кæронмæ ахæццæ кæнын. Æмгъуыд дæр сын снысан кодта - 20 августмæ. Рухстауынады министрады та хъæуы, сывæллæтты рæвдауæндæттæ бæрæг рæстæгмæ цæуылнæ сарæзтой, уый бамбарын кæнын. ахæм аиппытæ Хицауады сæрдар æрхаста Уæрæсейы 13 регионмæ. Медведевы зæрдæйы ахаст банкъардтой, æдас фæндæгты национ проектыл чи кусы, уыдон дæр. Сæ хæрзтæй не сты. Аххосджын чи уа, уыдоныл премьеры хъуыдымæ гæсгæ, хъæудзæн уголовон хъуыддæгтæ байгом кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv