«Мамысон»-ы резидент суæвыны æркаст райдыдта

«Мамысон»-ы экономикон бæстыхайы резиденты бынат бацахсынмæ курдиаттæ исын райдыдтой. Уый тыххæй хъусын кæны Кавказ.РФ-ы пресс-службæ. Инвестортæн фæлладуадзæн комплексы сæ бон суыдзæн 900 бынатæн фысымуæттæ, хæдтулгæтæ æрæвæрæн бынæттæ, фистæгдзæуæн хид æмæ хиирхæфсæн егъау парк саразын. Курорты фидæны арендатортæн сæ бон уыдзæн сæ бизнес льготæтимæ аразын. Зæгъæм, æфтиагты хъалон сын уыдзæн къаддæр. Уæдæ сæ зæххы хъалон 10 азы фидын нæ хъæуы, æфтиæгты хъалон та - 5 азы. Уымæй уæлдай ма бæстыхæйттæ хаццоны исынæн дæр сын ис хуыздæр фадæттæ. Инженерон инфраструктурæ дæр сын у лæвар. «Мамысон»-ы резидент суæвын кæй фæнды, уый хъуамæ равзара Уæрæсейы экономикон рæзты министрады экспертон совет.