Уæрæсейы фæивта таксийы куысты фæтк. Ныр бæлццæттæ ласынæн таксийы компанитæн хъæудзæн æнæмæнг фæдзæхстады гæххæт райсын. Клиенты æнæниздзинад кæй аххосæй фæцуда, уыцы шофыры бафидын хъæудзæн æппынкъаддæр дыууæ милуан сомы. Ног уагæвæрд сфидар кодта Паддзахадон Думæ. Ивддзинæдтæ бахæссыны хъæппæрис та у финансон базарады комитеты сæрдар Анатолий Аксаковы хъуыды. Афтæмæй компенсацийы бæрц 4 хатты фæфылдæр уыдзæн. Æнæмæнг фæдзæхстадон полис аразын хъæудзæн алы машинæйæн дæр. Документ кæмæ нæй, уымæн, закъонмæ гæсгæ, бæлццæтты ласæн нæ уыдзæн. Ног æууæлтæ сæ тыхы бацæудзысты 1-æм сентябрæй фæстæмæ.