Ног гæнæнтæ

Цæгат Ирыстоны хистæркъласонтæн фадат уыдзæн агро-промышленнон комплексы рагагъоммæйы ахуырад райсынæн. Ууыл æрдзырдтой проектон офисы радон æмбырды. Сæрдариуæг дзы кодта Цæгат Ирыстоны сæргълæууæг Битарты Вячеслав.Фæлварæн проект æххæстгонд цæудзæн Змейкæйы дыууæ скъолайы бындурыл. Сæрмагонд зæххы хайыл 9 æмæ 11 кълæсты ахуырдзауты бон уыдзæн Елхоты бирæвæрсыг колледжы ахуыргæнджыты руаджы аграрон зонындзинæдтæ райсын. Йæ директор Хъайтыхъты Григорий куыд зæгъы, афтæмæй ныртæккæ цæттæ кæнынц профилон ахуырадмæ, . Зæххы хай уал снысан кодтой, цæттæ кæнынц сæрмагонд программæ дæр. Фидæны фæнд кæнынц тауинæгтæ самал кæнын. Республикæйы ахуырад æмæ наукæйы министр Людмила Башарина куыд зæгъы, афтæмæй скъоладзаутæ теори æмæ практикæйы хуызы ахуыртæ цæудзысты къуыригай. Битарты Вяче слав ма куыд фæнысан кодта афтæмæй фидæны ахуыртæм хондзысты амал хъом адæмы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv