Дзæуджыхъæуы фæсарæйнаг æвзæгтæ ахуыр кæнынæн аразынц ног мадзæлттæ

Англисаг æвзаг ног методикæмæ гæсгæ. Ахæм фадат дæтты Дзæуджыхъæуы фæсарæйнаг æвзæгтæ ахуыр кæныны центр. Сывæллæттæн æрхъуыды кæнынц ног, цымыдисаг фæрæзтæ æвзæгтæ ахуыр кæнынæн. Саразынц сын дæсныйад æвдисæн ахуыртæ. Иу ахæм ацыд физикон-техникон факультеты бæстыхайы. Куыд ацыд уый тыххæй нын бæлвырддæр радзурдзæн не сфæлдыстадон къорд. Урок цæмæй цымыдисаг уа, цæмæй йæ адæймаг йæ зæрдыл бадара. Уый у ахуыргæнджыты сæйраг хæслæвæрд. Сæ фæлтæрддзинад бæрзонддæр кæнынц. Сарæзтой сын сæрмагонд лекци. Ам райсынц пайдаджын ахуыртæ. Ног зонындзинæдтæй та спайда кæнынц сывæллæтты ахуыр кæнгæйæ. Зинаида Соловьева, ахуыргæнæг: «Байхъуыстам ног технологиты тыххæй лекцимæ. Пайда дзы кæнынц æгас дунейы. Нæхи цæстæй федтам продукт. Растдæр зæгъгæйæ та ног технологитæ хорз бæрæггæнæнтæ кæй æвдисынц. Нæ скъолаты 15-16 аздзыд ахуырдзаутæ, ацы центрмæ чи цæуы, уыдон равдыстой иттæг хорз бæрæггæнæнтæ». Æвзæгтæ сахуыр кæнынæн сабитæн æрхъуыды кæнынц ног мадзæлттæ æмæ фæрæзтæ. Æрбахонынц фæлтæрдджын специалистты. Иу ахæм дæсныйад æвдисæг ахуыртæ ацыдысты ЦИПУ-йы физикон-техникон факультеты. Нина Крючкова: «Ахуырты рæстæг нæ сывæллæттæ дзурынц æрмæстдæр цалдæр минуты. Уымæн æмæ алкæйы дæр хъæуы æрфæрсын. Алы сывæллонмæ дæр хъæуы æргом аздахын. Уымæ ма бафтау ног æрмæг. Сабитæн практикæйæн рæстæг нал вæййы. Æвзагæй хъæуы пайда кæнын. Хъусын, æмбарын уый иу у, ныхас кæнын, дæ хъуыдытæ зæгъын та бынтон æндæр хъуыддаг у. Мах дæр ахуыргæнджыты ууыл разæнгард кæнæм, цæмæй сывæллæттæ нæ урокты фылдæр ныхас кæной». Сывæллæтты зæрдæмæ цæуы. Сæйраг хицæндзинад хуымæтæг скъолайæ, ам ахуыртæ цæуынц англисаг æвзагыл. Видеобастдзинады фæрцы ныхас кæнынц се мгæрттимæ-англисаг æвзаг мадæлон кæмæн у, уыдонимæ. Уымæй уæлдай архайынц конкурсты æмæ викторинæты. Злата Пагиева, ахуырдзау: «Ам бынтон æндæр хуызæн у. Амæй размæ дзы уыд эксперт, ссыд Мальтæйæ. Уый дæр немæ ныхас кодта англисаг æвзагыл. Дæ алфамблай, дæ алыварс æппынæдзух иу æвзагыл куы дзурой, уæд ыл сахуыр уæвын æмæ йæ бахъуыды кæнын вæййы æнцондæр». Мальтæйæ ахуыргæнæг сарæзта дæсныйад æвдисæг ахуыртæ. Сывæллæттæ кусынц раст ныхасыхъæдыл. Лекцитæ цæуын хъазты хуызы. Лингвистты хъуыдымæ гæсгæ æрмæг афтæмæй æнцондæр æмбарæн у. Ныртæккæ англисаг æвзаг нымад у дунейы адæмыхæттыты иугæнæг æвзагыл. Йæ зонын диссаг нал у, фæлæ у хъæугæ. Хорз æй чи зоны уымæн фидæны йæ авналæнтæ парахатдæр кæнынц. Георгий Дзапаров _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv