«Мæ ныййарджытæ кусынц пъæлицæйы» конкурсы уæлахиздзауты схорзæхджын кодтой

«Мæ ныййарджытæ кусынц пъæлицæйы» конкурсы уæлахиздзауты схорзæхджын кодтой Дзæуджыхъæуы. Мадзал уыд Цæгат Ирыстоны Мидхъуыддæгты министрады. Æрвылазон конкурсы æвзарæн къæпхæны архайдтой республикæйы мидхъуыддæгты министрады кусджыты сывæллæттæ. Уыдон алыхуызон ахорæнтæй сарæзтой нывтæ. Сфæлдыстадон куыстытæн аргъ кодтой жюрийы уæнгтæ. Æвзонг нывгæнджыты курдиатæй разыйæ баззадысты. Конкурсы фæуæлахиз сты Плиты Ланæ, Бутаты Камиллæ, Бестауты Аделинæ Дзæуджыхъæуæй æмæ 14 -аздзыд чызг Мæздæгæй Николь Тен. Хуыздæр нывтæ ныр æрвыст æрцæудзысты Мæскуымæ. Уым цæудзæн конкурсы иннæ къæпхæн. Абон та уал уæлахиздзаутæ райстой кады гæххæттытæ нæ республикæйы Мидхъуыддæгты министры къухфыстимæ. Зæрдылдарæн лæвæрттæ райстой Æхсæнадон Советы уæнгтæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv