Терчы былгæрон хъуамæ фæстæмæ муниципалон исбонаты скоднмæ бахæссой

Терчы былгæрон хъуамæ фæстæмæ муниципалон исбонаты скоднмæ бахæссой. Ууыл дзырдтой прокуратурæйы сæрмагонд æмбырды. Промышленнон районы хайады кусджытæ сарæзтой басгæрст æмæ рабæрæг кодтой, муниципалон зæххыл нымад чи у, уый æнæзакъонæй кæй систой, уый. 2013-æм азы Дзæуджыхъæуы администраци хи куыстуатæн хаццоны радта 4 мин квадратон метрæй фылдæр зæхх. Ис Чкаловы номыл хиды цур. Хъуамæ дзы арæзт æрцыдаит æхсæнадон хæрæндон. Уыцы проекты бæсты, хи куыстуат дзы самадта чысыл бæстыхай æмæ йæ льготæты хуызы балхæдта. Йæ аргъ слæууыд 105 мин сомы. Ахæм цæстфæлдахæн миты тыххæй Цæгат Ирыстоны прокуратурæ бахъаст кодта тæрхондонмæ. Уым уынаффæ рахастой, зæхх æнæзакъæной кæй ауæй кодтой, уымæ гæсгæ бардзырдæн тых нал ис. Фæлæ дзы иу фæзилæн разынд - цалынмæ фæткхалæн митæ бæрæг кодтой, уæдмæ йæ зæххы хицау æндæр кæмæндæр æрбауæй кодта. Æлхæнæг та курдиат балæвæрдта æмбæлгæ уагдонмæ - зæхх регистраци кæм кæнынц, уырдæм. Прокруатурæйы æркасты размæ уыцы хъуыддаг ног хицауы къухы бафтыд. Æлхæд æмæ уæй кæныны бадзырдмæ гæсгæ, зæххы хайы аргъ у 1 милуан æмæ 100 мин сомы. Афтæмæй та, экспертты хатдзæгтæм гæсгæ, сæ аргъ 25 милуан сомы у. Зæххы ног хицау прокуратурæйы уынаффæимæ разы нæ кодта. Йæхи йын куы æрфарстой, уæд та Уæрæсейы Конституцийы 51-æм статьяйыл æрынцад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv