Премьер Дзанайты Барис амыдта оперативон штабы æмбырд. Ныхас цыд экономикæйы рæзты æууæлтыл санкциты рæстæг. Афтæмæй, æфтиæгтæ равдыстой 21 млрд, хæрдзтæ та 20 млрд сомæй чысыл фылдæр. Профицит у 600 милуан сомы чысыл цухæй. Бæрæггæнæнтæ фехъусын кодта финансты министры хæстæ æххæстгæнæг Исахъты Олег. Хæрдзты хыгъды стыр æргом здæхт цæуы социалон-культурон къабазмæ - у 60% фылдæр. Дзанайты Барис дзупдæттæг ведомствæйæн бабар кодта, хъалонты службæйы управлениимæ æмгуыст кæнгæйæ, республикæйы бюджетмæ цы æфтиæгтæ цæуынц, уыдон афойнадыл нымайын.