Дзæуджыхъæуы уыд инклюзивон театралон къордты форум
Æнкъарæнтæ цæсгомæй æвдисгæйæ, фезмæлд æмæ къухтæй амынды руаджы дзырдтæн фæлгонц дæттын. Æхгæд цæстытæ æмæ æхгæд зæрдæимæ фехъусæн кæмæн нæй, ахæм зарæг. Лохты Рустам музыкæ æнкъарын сахуыр зæлон уылæнты вибрацийы хуызы. Æмæ йын йæ тон æнкъаргæйæ, жестты æххуысæй "зары". Æмæ йæ "зарæг" хуымæтæг зарæгæй къаддæр нæ агайы зæрдæ. Лæппу у сфæлдыстадон студи "Солнышко"-йы хъомылгæнинаг. Саламаты Эльвирæ та у инклюзивон театр "Радуга"-йы минæвар. Ам иу æмæ дыууæ сфæлдыстадон æнтыст нæ бафтыд йæ къухы. Республикæйы зæрдæргъæвæй кусынц, цæмæй хъыгдард æнæниздзинадимæ адæм сценæйыл сæхи бынат ссарой. Æмæ сын аивад æгæрон тых кæй дæтты, уый æвæллайгæйæ æвдисынц. Ирд, хъæлдзæг æмæ курдиатджын: фольклорон кафты ансамбль "Æртхурон"-ы инклюзивон студимæ зæрдæргъæвдæй цæуынц, Дауны синдром кæмæ ис, ахæм фæсивæд. Ам сæ æцæг артисттæ рауад. Цы фестивальтæ æмæ концертты архайдтой, уыдонæн нымæц дæр нæй. Форум у егъау проекты кæронбæттæн. Цыд æртæ мæйы дæргъы, Президенты гранты æххуысæй. Хъыгдард æнæниздзинадимæ адæм архайдтой театралон аивады здæхтытæм гæсгæ дæсныйад æвдисæн ахуырты.— Уый у грим, актеры дæсныйад, режиссеры ахуыртæ, хореографион здæхт, пластиографи, аив дзырд. Ахуыртæ цыдысты раззагдæр педагогты разамындæй. Стыр бузныг мæ фæнды зæгъын Театралон архайджыты цæдисæн, бæлвырддæр та Пагæты Фатимæйæн. Проекты райдианæй нырмæ æппынæдзух ис нæ фарсмæ. Фыццаджыдæр уый у æхсызгон, æмæ инклюзивон æхсæнад сызмæлыд. Се 'нæниздзинад хъыгдард кæмæн у, уыцы адæм сæхицæн зæрдæмæдзæугæ æмæ пайдахæссæг архайд ссарынц. Æмæ раздæр алцæмæйдæр æфсæрмы, кæнæ тæрсгæ чи кодта, уæдон абон ныфсджынæй сценæмæ рахызтысты. Æмæ махæй уымæй зынаргъдæр ницы ис. Æртæ мæймæ проекты архайджытæ цы ногдзинæдтæ базыдтой, уыдон равдисдзысты спектакль "Все мыши любят сыр"-ы премьерон равдысты. Аивадуарзджытæм æнхъæлмæ кæсынц абон Уырассаг академион театры. Æдæппæтæй форум æрбамбырд кодта 8 инклюзивон театры - 70 адæймагæй фылдæр.
Æнкъарæнтæ цæсгомæй æвдисгæйæ, фезмæлд æмæ къухтæй амынды руаджы дзырдтæн фæлгонц дæттын. Æхгæд цæстытæ æмæ æхгæд зæрдæимæ фехъусæн кæмæн нæй, ахæм зарæг. Лохты Рустам музыкæ æнкъарын сахуыр зæлон уылæнты вибрацийы хуызы. Æмæ йын йæ тон æнкъаргæйæ, жестты æххуысæй "зары". Æмæ йæ "зарæг" хуымæтæг зарæгæй къаддæр нæ агайы зæрдæ. Лæппу у сфæлдыстадон студи "Солнышко"-йы хъомылгæнинаг. Саламаты Эльвирæ та у инклюзивон театр "Радуга"-йы минæвар. Ам иу æмæ дыууæ сфæлдыстадон æнтыст нæ бафтыд йæ къухы. Республикæйы зæрдæргъæвæй кусынц, цæмæй хъыгдард æнæниздзинадимæ адæм сценæйыл сæхи бынат ссарой. Æмæ сын аивад æгæрон тых кæй дæтты, уый æвæллайгæйæ æвдисынц. Ирд, хъæлдзæг æмæ курдиатджын: фольклорон кафты ансамбль "Æртхурон"-ы инклюзивон студимæ зæрдæргъæвдæй цæуынц, Дауны синдром кæмæ ис, ахæм фæсивæд. Ам сæ æцæг артисттæ рауад. Цы фестивальтæ æмæ концертты архайдтой, уыдонæн нымæц дæр нæй. Форум у егъау проекты кæронбæттæн. Цыд æртæ мæйы дæргъы, Президенты гранты æххуысæй. Хъыгдард æнæниздзинадимæ адæм архайдтой театралон аивады здæхтытæм гæсгæ дæсныйад æвдисæн ахуырты.— Уый у грим, актеры дæсныйад, режиссеры ахуыртæ, хореографион здæхт, пластиографи, аив дзырд. Ахуыртæ цыдысты раззагдæр педагогты разамындæй. Стыр бузныг мæ фæнды зæгъын Театралон архайджыты цæдисæн, бæлвырддæр та Пагæты Фатимæйæн. Проекты райдианæй нырмæ æппынæдзух ис нæ фарсмæ. Фыццаджыдæр уый у æхсызгон, æмæ инклюзивон æхсæнад сызмæлыд. Се 'нæниздзинад хъыгдард кæмæн у, уыцы адæм сæхицæн зæрдæмæдзæугæ æмæ пайдахæссæг архайд ссарынц. Æмæ раздæр алцæмæйдæр æфсæрмы, кæнæ тæрсгæ чи кодта, уæдон абон ныфсджынæй сценæмæ рахызтысты. Æмæ махæй уымæй зынаргъдæр ницы ис. Æртæ мæймæ проекты архайджытæ цы ногдзинæдтæ базыдтой, уыдон равдисдзысты спектакль "Все мыши любят сыр"-ы премьерон равдысты. Аивадуарзджытæм æнхъæлмæ кæсынц абон Уырассаг академион театры. Æдæппæтæй форум æрбамбырд кодта 8 инклюзивон театры - 70 адæймагæй фылдæр.