Дзæуджыхъæуы схорзæхджын кодтой журнал «Ногдзау»-ы радон конкурсы æрыгон архайджыты

Дзæуджыхъæуы схорзæхджын кодтой журнал «Ногдзау»-ы радон конкурсы æрыгон архайджыты. 8-æм мартъийы агъоммæ Литературон-аивадон журнал «Ногдзау»-ы разамонджытæ, нæ республикæйы мыхуыры æмæ дзыллон коммуникациты комитетимæ æмгуыст кæнгæйæ, бацæттæ кодтой цымыдисаг конкурс. Æркаст сарæзтой интернеты бастдзинады фæрцы. Уагæвæрды домæнтæм гæсгæ, хъуамæ алчидæр бацæттæ кодтаид æмдзæвгæ, æмæ йæ апарахат кодтаит Facebook, кæнæ Instagram социалон хызæгты. Дарддæр та хъуамæ адæм схъæлæс кодтаиккой, сывæллæттæй йæхи хуыздæр чи равдиса, уыдоныл. Фылдæр хъæлæсты хай чи фæци, уыцы сывæллоны равзæрстой уæлахиздзауæй. Æдæппæтæй республикон конкурс «8-æм мартъийы æмдзæвгæ»-йы бацархайдтой 60 сабийæ фылдæр. Алчидæр сæ райста арфæйы фыстæджытæ æмæ зæрдылдарæн лæвæрттæ. Æмдзæвгæ хуыздæр чи бакаст, уый сси Црауы скъолайы ахуырдзау Хуыдарты Сæрмæт. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv