Финансон цæттæдзинад

Хи бартæ куыд бахъахъхъæнын хъæуы æмæ бадзырдтæ раст куыд ныфыссæн ис? Ацы фарстатыл финансон цæттæдзинады специалисттæ æрдзырдтой сæрмагонд æмбырды. Архайдтой дзы æхсæнадон организациты минæвæрттæ, прокуратурæйы кусджытæ æмæ республикæйы фæссивæдон парламенты уæнгтæ. Уыди сæм алыхуызон фæрстытæ. Зæгъæм, кредит исгæйæ уæлæмхасæн лæггæдтæй пайда кæнын хъæуы æви нæ. Специалистты ныхæстæм гæсгæ, кредит исæгæн хъуамæ уæлæмхасæн лæггæдты тыххæй сæрмагонд гæххæт радтой. Фæлхасгæнджыты бартæ чи хъахъхъæны, уыдон куыд фехъусын кодтой, афтæмæй бæрæггæнæнтæм гæсгæ, æххуысы фæдыл пъисмоты нымæц азæй азмæ фылдæр кæны. Ацы аз барадхъахъхъæнджытæ баххуыс кодтой цалдæр адæймагæн. Æхцайы фæрæзтæ чи фесæфта, уыдонæн дæр сæ фæстæмæ радтой. Мадзал аразджытæ фæнд кæнынц ахæм семинартæ арæхдæр аразын. РЦИ-Аланийы фæлхасгæнджыты бартæ хъахъхъæныны службæйы сæрдар Токазты Диана: «Фæсивæд кредит райсыны размæ сæ бартæ куы зониккой, уæд хуыздæр уаит. Уыдон цæрын нырма ныр райдыдтой. Хæсты бын кæй фæвæййынц, уый мæнмæ раст хъуыддаг нæ кæсы. Ахæм семинартæ хъуамæ арæхдæр кæной».  _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv