Афæдзы хуыздæр ахуырдзауы сбæрæг кодтой Дзæуджыхъæуы. 60 скъоладзауы хуыздæр суæвыныл архайдтой 9 номинацийы. Уæлахиздзауты кадджын уавæры дипломтæ æмæ зынаргъ лæвæрттæй фæнысан кодтой гимназ «Интеллект»-ы. Конкурсы архайджытæ æмæ уазджыты концертон программæйæ бахъæлдзæг кодтой республикæйы районты сфæлдыстадон къордтæ. Сывæллæттæн арфæ ракодта регионы ахуырад æмæ наукæйы министр Алыбегты Эллæ. Куыд загъта, афтæмæй ахæм конкурсты руаджы скъоладзаутæ разæнгард кæнынц сæхи хуыздæрæй равдисынмæ.