Байцаты Людмилæйы сæрмагонд равдыст

Дзæуджыхъæуы байгом Уæрæсе æмæ Цæгат Ирыстоны сгуыхт нывгæнæг Байцаты Людмилæйы сæрмагонд равдыст. Экспозицимæ бакæсæн ис Тугъанты Махарбеджы номыл Аивадон музейы дыууæ залы. Нывгæнæг дзы равæрдта, хъуымацыл тæвд эмалæй кæй скодта, уыцы куыстытæ. Уымæй уæлдай ма дзы фенæн ис гобелентæ æмæ æндæр нывтæ. Автор йæхæдæг куыд зæгъы, афтæмæй йæ равдыст у рагон нысæнтты, адæмы историйы æмæ хи æнкъарæнты æмбырдгонд. Экспозици кусдзæн иу мæй, уыцы `мгъуыдмæ дзы æнхъæлмæ кæсынц, аивад чи уарзы, уыдонмæ. Уæ зæрдыл уын лæууын кæнæм, Байцаты Людмилæ нæ республикæйы фыццаг нывгæнæг-эмальер кæй у. Аивады кусы 40 азæй фылдæр. Фæлæ дзы равдысты фенæн ис, фæстаг фондз азмæ йæ къухы чи бафтыд, уыцы куыстытæ. Ныридæгæн та уал Байцаты Людмилæ архайдта бирæ егъау æппæтдунеон симпозиумты - Индийы, Словакийы, Польшæ æмæ ма суанг Индонезийы. Ныртæккæ дæр та йæхи цæттæ кæны ног равдыстмæ. Æмæ йын йæ хæлæртты зæрдæтæ зæрдиагæй зæгъынц стыр æнтыстытæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv