Калоты Хасаны сфидар кодтой коллективон æдасдзинады бадзырды организацийы штабы къамандыгæнæджы

Калоты Хасаны сфидар кодтой коллективон æдасдзинады бадзырды организацийы штабы къамандыгæнæджы хæдивæгæй. Уый тыххæй уынаффæ бафыста нæ бæстæйы президент Владимир Путин. Не `мзæххон инæлар-лейтенант разамынд дæтдзæн коллективон æдасдзинады бадзырды организацийы æфсæдты цæттæдзинадæн, кæм æмæ куыд архайдзысты, уымæн. Уый размæ Калоты Хасан æххæст кодта центрон æфсæддон зылды къамандыгæнæджы хæдивæджы хæстæ, архайдта Цæгат Кавказы хæстон цауты. Дыууæ хатты уыд Сирийы. Уымæй уæлдай ма 2015 азы, Уæрæсейы къамисы сæргълæууæг уæвгæйæ, уыд Донбассы. Бахæс ын кодтой сабырдзинад тауын. Калоты Хасан каст фæци Уæрæсейы гæрзифтонг тыхты генералон штабы академи. Хорзæхджынгонд у Хъæбатырдзинады орденæй, Æфсæддон сгуыхтдзинæдты тыххæй орденæй, Георгий Жуковы номыл майданæй, «Фыдыбæстæйы æфсæддон тыхты службæйы тыххæй 3-аг къæпхæны орденæй». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv