Æргом ныхас

Кæрдзыны цæрджытæ байхъуыстой Кировы районы участоктæм цæстдарæг пъæлицæйæгтæ Евгений Лебеденко æмæ Кодзаты Георгийы отчеттæм. Радзырдтой ивгъуыд азы куысты хатдзæгты тыххæй. Барадхъахъхъæнджытæ фехъусын кодтой хъæуы цæрджытæн, закъонхæлдтыты ныхмæ цавæр мадзæлттæ аразынц, уый тыххæй. Участокты пъæлицæйæгтæ фæсидтысты бынæттон цæрджытæм, цæмæй сæ фос æнæ цæстдардæй хизæнтæм ма уадзой. Уымæй уæлдай ма сæ базонгæ кодтой, æнæзакъонæй нозты продукци уæйгæнджытæ куыд æфхæрд цæуынц, уыимæ. Адæм радтой пъæлицæйæгтæм фарстатæ дæр. Райстой сын бæстон дзуæппытæ. Æмбырдæн хатдзæгтæ кæнгæйæ, пъæлицæйы дæлбулкъон Дзембатты Олег бахатыд мадзалы архайджытæм, пъæлицæйæгтимæ æдзух бастдзинад куыд дарой. Уый фадат дæттдзæн закъонхалджытимæ æнтыстджындæрæй тох кæнынæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv