Дзæуджыхъæуы аэропорты ног терминалы иу азмæ æрцыд 2,5 мин рейсы

Иу азмæ "Дзæуджыхъæуы" аэропорты ног терминалы арæзт æрцыд дыууæ æмæ 'рдæг мин рейсы. Бæлцæтты нымæц та дзы афæдзмæ схызт 840 мин адæймагмæ. Уæ зæрдыл уын æрлæууын кæндзыстæм, терминал байгом афӕдз раздæр. Ифтонггонд у телескопикон трап, 6 лифты æмæ эскалаторæй. Уæдæ ма дзы ис раззагдæр технологон системæтæ дæр: багаж ласæг, регистраци кæнæн, сгарæн, æдасдзинад æмæ æмбæлгæ микроклимат дарыны системæтæ. Бæлцæттæн фадат ис æнцонвадат рæтты рейсытæм æнхъæлмæ кæсынæн. Се 'хсæн - хæрæндæттæ, æрбадæн бынæттæ, бизнес-зал, мад æмæ сывæллоны уат, медицинон пункт æмæ хæдтулгæ æрæвæрæн бынæттæ.