Батумийы сæйраг фæзы уыдис митинг

Информационн агентад «ТАСС» куыд хъусын кæны, афтæмæй митинг сарæзтой оппозицион парти «Альянс патриотов Грузии»-йы уæнгтæ. Архайгæ та дзы кодтой цалдæр мин адæймаджы. Парламенты раздæры спикер Ирма Инашвили фæнысан кодта, Гуырдзыстоны хицауадмæ фæстаг заман ног миниуæг кæй фæзынд. Оппозицион хъуыдытыл хæст адæймаг цыфæнды куы зæгъа, уæддæр та йæ Уæрæсейы хъузæттæй иуыл уайтагъд банымайынц. Уæ зæрдыл уын æрлæууын кæндзыстæм, нæ бæстæ æмæ Гуырдзыстоны ахастдзинæдтæ æрæджы цæхгæр фæкарздæр сты. Зынгыл ма цæхæр бафтыдта телеканал «Рустави 2»-йы амонæг дæр, Владимир Путинмæ æнæуаг дзыхæй кæй æрхатыд, уый. Фæстæдæр телеканалы разамынд уыцы амонæджы эфирæй фæиппæрд кодта цасдæр рæстæгмæ. Цас аккаг æфхæрд у ахæм фидиссаг мийæн, уый дызæрдыккаг у. Фæлæ дзы сæхи æгад цы фæкодтой, æндæр дзы хорзæй ницы смарзтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv