Æнæ къуылымпытæй

Сæрыдгон улæфæн бонты дунейы фæкусынц дæсгай мин лагеры. Цы сывæллæттæ дзы вæййынц, уыдоны ныййарджыты фыццаг фарста вæййы: цы хæрынц, уый? Хъыгагæн, ныридæгæн æрцыд дыууæ цауы. Сывæллæттæ æвзæр хæринæгтæ хъæстæ кæй фесты, уый фæдыл. «Роспотребнадзор»-ы уæнгтæ фæткмæ гæсгæ лагеры алы фæлтæрæн дæр саразынц сгæрстытæ. Уæлдайдæр та сæм ныййарджытæй хъаст куы вæййы, уæд. «Роспотребнадзор»-ы уæнгтæ ма ныййарджытæн иу хатт сæ зæрдыл лæууын кæнынц — лагерьмæ арвитны размæ сывæллонæн алы домæнтæ бамбарын кæнын кæй хъæуы, уый. Хæринаг исты æнахуыр ад куы кæна, уæд æй хистæртæн куыд фехъусын кæной. Сывæллæттæ, зæгæм, зокъотæ сæхæдæг куыд нæ æмбырд кæной, дыргътæ æмæ халсартæ чъизийæ куыд нæ хæрой. Ныййарджытæ та сын тагъд чи фесæфы æмæ æвзæр чи кæны, ахæм хойрæгтæ лагерьтæм куыд нæ хæссой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv