Тарскæйы афæдзы кæронмæ сараздзысты дыууæ ног хиды

Тарскæйы цы дыууæ хиды ис, уыдон 50 азæй фылдæр цалцæггонд нæ уыдысты. Сæ сæрты рог хæдтулгæтæй уæлдай ма арæх фæцæуы хæстон техникæ. Уый та æфсæддон ахуырты рæстæг. Национ проект «БКАД»-ы фæлгæты бавнæлдтой хидты арæзтадмæ. Арæзтадон куыстытæ ма цæуынц Октябрьскæйæ Тарскæйы ’хсæн фæндагыл. 7-æм километры фæндагыл тагъд рæстæджы фæзындзæн, йæ дæргъ 15 метры кæмæн уыдзæн, ахæм хид. Абоны онг зæронд хидмæ 50 азæй фылдæр æвнæлд не ’рцыд. Ацы хиды сæрты арæх хæстон техникæ кæй цыд, уый тыххæй хæлын райдыдта. Ныридæгæн кусджытæ бавнæлдтой райдиан куыстытæм. Аразынц хидæн йæ бындур. Дыккаг хид та Тарскæйы фæндаджы 9-æм километрыл æрбынат кæндзæн. Ам куыстытæ сæ тæмæны сты. Специалисттæ куыд бафиппайдтой, афтæмæй ацы хид иннæмæй уыдзæн стырдæр æмæ уæрæхдæр. Кусджытæ архайын райдайынц райсомы 8 сахатæй. Цалынмæ куыст кæронмæ нæ фæвæййынц, уæдмæ сæ хæдзæрттæм нæ ацæуынц. 11 адæймагæй 5-æй кусынц 7-æм километры фæндаджы хидыл, иннæтæ та - 9-æм. Тарскæйы цы дыууæ хиды аразынц, уыдон дзуапп дæтдзысты нырыккон домæнтæн. Аразджытæ хидæн йæ дыууæ фарс дæр скæндзысты фистæгцæуджытæн тротуартæ. Уæдæ хидмæ базилæн дæр æдасдзинады домæнтæн дзуапп дæтдзæн. Октябрьскæйæ Тарскæмæ фæндæгтæ дæр цалцæггонд æрцæудзысты ацы азы кæрон. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv