Цæгат Ирыстоны скъолаты разамонджыты хæдивджытæн мæскуыйаг программæмæ гæсгæ арæзт æрцыдысты ахуыртæ

Цæгат Ирыстоны скъолаты директорты хæдивджытæн мæскуыйаг программæмæ гæсгæ сарæзтой дæсныйад бæрзонддæркæныны ахуыртæ. Цæуынц Ахуырады кусджыты зонындзинæдтæ уæлдæргæнæн институты. Архайдтой дзы 50 адæймагæй фылдæр. Уыдис дзы онлайн-трансляци. Уый фæрцы, йæ бон кæмæн не сси æрбацæуын, уыдонæн уыд фадат мадзалмæ байхъусын, фенын æмæ хатдзæгтæ скæнын. Ахуыртæ цæуынц 3 къуырийы дæргъы. Абон та Мæскуыйæ ссыд сæрмагонд къамис, уыдон архайджытæн бæстонæй радзырдтой программæйы ахадыдзинады тыххæй. Ног ахуырадон методикæтæй хуыздæр куыд пайда кæнын хъæуы, скъоладзауты ахуырады хæрзхъæддзинад фæбæрзонддæр кæнынæн цавæр уавæртæ скæнын хъæуы, уыдæттыл æрдзырдтой институты. Бирæгъзæнджы скъолайы разамонæджы хæдивæг Ботъоты Иринæ куыд бафиппайдта, афтæмæй ацы курсытæ сты тынг ахсджиаг. «Нырыккон технологитæм ахæссæн ис видео-360, зæгъгæ, æмæ æндæр ног информацион фæрæзтæ. Алкæй бон дæр у уыдонæй спайда кæнын, лæвæрд цæуынц сæрмагонд хъусынгæнинæгтæ дæр. Сæ фæрцы ахуыргæнæгæн фадат ис ахуырдзаутæн æрмæг ссарын æмæ дзы спайда кæнын», - Мæскуыйы центры ахуырады райрæзты хайады разамонæджы хæдивæг Татьяна Новикова. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv