Инвестицион архайды рейтингы Цæгат Ирыстон 40 къæпхæны уæлдæр схызт

Инвестицион архайды рейтингы Цæгат Ирыстон 40 къæпхæны уæлдæр схызт. Ахæм бæрæггæнæнтæ равæрдта журнал «Инвест-Форсайт». Йæ иртасæн куыстмæ гæсгæ Уæрæсейы регионты ’хсæн нæ республикæ февралы схызт 79-æм къæпхæнæй 38-39-мæ. ейтингы бæрæггæнгæйæ иртасджытæ æнцайынц, регионты цы инвестицион архайд цæуы, ууыл. Æххæстгонд инвестицион проекттæ æрвылбон бахауынц «Инвест-Регион» порталмæ. Дарддæр уыцы хабæрттæн аргъ скæны журнал «Инвест-Форсайт». Хъусынгæнинæгтæн аргъ кодтой 10 баллон системæмæ гæсгæ. Хуыздæр хабар разынд, 6-æм февралы Зæрæмæджы гидроэлектростанцæ кæй байгом, уый. Регион райста 15 баллы. Фæнысан кæндзыстæм уый, æмæ Цæгат Кавказы регионты ’хсæн Цæгат Ирыстон равдыста хуыздæр бæрæггæнæн. Иннæ республикæтимæ абаргæйæ, нæ бæрæггæнæн у 15 баллы, Цæцæн райста 5 баллы, Дагестан - 4, Старапъолы край - 2. Иннæ субъектты инвестицион ахадындзинад рейтингы æвдыст у 0 баллæй. Æгас бæстæ куы исæм, уæд æппæты фылдæр балтæ æмæ хуыздæр бæрæггæнæн ис Краснодары краймæ -117. Дыккаг бынаты Алтайы край, æртыккаджы Татарстан - 80 баллимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv