Æхцайы фæрæзтæ - ахуырадæн

Дзæуджыхъæуы базарадон-экономикон техникумæн лæвæрд æрцæудзысты субсидитæ 10 милуан сомы бæрц. Бацархайдтой федералон проект «Молодые профессионалы»-йы ахуырадон хайады. Уый тыххæй абон фехъусын кодтой хицауады хæдзары цы æмбырд сарæзтой, уым. Амыдта йæ нæ республикæйы хицауады сæрдар Тускъаты Таймураз. Æхцайы фæрæзтæ бахардз кæндзысты ног æрмадзтæ саразаныл. Хаст сты «WorldSkills»-мæ. Дзуапп дæтдзысты нырыккон домæнтæн. Хъуамæ сæ саразой ацы азы кæронмæ. Проекты фæлгæты хъуамæ фæхуыздæр кæной алыхуызон дæсныйæдты материалон-техникон ифтонгад. Зæгъæм, хæринаггæнджытæн, бухгалтертæн æмæ туризмы къабазы кусджытæн. Проекты фæлгæты ахуырады хæрхъæддзинад дæр хъуамæ фæхуыздæр уа. Уæдæ ахуыргæнджыты цæттæдзинад дæр фæуæлдæр уыдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv