Хуыздæр чи у?

Фæсивæды хæдзары абон уыд Æппæтуæрæсеон конкурс «Бархион-2018»-ы æвзарæн къæпхæн. Йæ архайджытæ бацæттæ кодтой сæрмагонд проекттæ, аргъ сын кæндзысты эксперттæ. Бархионтæн ацы конкурс ахсджиаг цауыл нымад у. Алчидæр сæ равзары зæрдæмæдзæугæ номинаци. 12 темæйæ – иу. Фæстæдæр бацæттæ кæны проект. Æвзарæн къæпхæны уæлахиздзауæн уыдзæн кæронбæттæн конкурсмæ ацæуыны фадат. Уыдзæн Мæскуыйы.  Хуыздæрты дзы схорзæхджын кæндзысты æхцайы премитæй. Уæ зæрдыл уын æрлæууын кæндзыстæм, конкурсы архайыны бар ис куыд хицæн адæймæгтæн, афтæ юридикон организацитæн дæр. Конкурс цæуы 8-æм аз. Уыцы рæстæгмæ фæсивæд бацæттæ æмæ сæххæст кодтой 10 мин проекты. Фæсивæды хъуыддæгты фæдыл комитеты сæргълæууæджы хæдивæг Бекоты Аслæнбеджы ныхæстæм гæсгæ, ахæм конкурстæ æрыгæттæн фадат дæттынц сæхи равдисынæн. Уæдæ цы æхца рамбулынц, уыдонæй та сæ бон у сæ проект сæххæст кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv