Æнцондæр уыдзæн

1-аг æмæ 2-аг къорды инвалидты æмæ æгуыст пенсиисджыты бинонтæн бирæуæладзыгон хæдзæртты бындурон цалцæггæнынæн фидын нæ хъæудзæн. Уый тыххæй закъон бафыста Уæрæсейы президент Владимир Путин. Ныртæккæ бындурон цалцæггæнæн куыстытæн компенсаци исынц фыццаг æмæ дыккаг къордты инвалидтæ. Ног уынаффæмæ гæсгæ фиддонтæй сæхи суæгъд кæныны бар уыдзæн иунæгæй чи цæры, ахæм ацæргæ адæмæн. 70 азæй 80 азы онг кæуыл цæуы, уыдон цалцæггæнæн куыстытæн фиддзысты 50%, 80 азæй - 100 азы онг кæуыл цæуы уыдон та ацы лæггад уыдзæн лæвар. Закъон йæ тыхы бацæудзæн 2019 азы 1 январы. Йæ сæххæст кæнынæн бюджетæй радих кæндзысты 300 милуан сомы. Зæгъын хъæу уый дæр æмæ бирæуæладзыгон хæдзæртты бындурон цалцæгæн фиддон схызт Уæрæсейы цалдæр регионы. Се хсæн Архангельскы, Амуры, Оренбурджы облæсттæ, стæй Якути. Цæгат Ирыстоны фиддонты аргъ нæ аивтой, ныртæккæ мæймæ у иу квадратон метрæн 5 сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv