Сергей Меняйло фембæлд Цæгат Кавказы таможнæйы управленийы хицау Альберт Мавликовимæ

Сергей Меняйло фембæлд Цæгат Кавказы таможнæйы управленийы хицау Альберт Мавликовимæ. Сæргълæууæджы базонгæ кодта ведомствойы регионалон управленийы разамонæг Дзугаты Николайимæ. Уый Цæгат Ирыстоны таможнæйы сæргъы слæууыд 1-æм декабры. Дзугаты Николай разамынд лæвæрдта Дæллаг Зæрæмæджы æмæ Уæллаг Ларсы хайæдтæн. Æнтыстджын куысты тыххæй хорзæхджынгонд у риуылдарæн нысæнттæ æмæ майдантæй. Фембæлды архайджытæ ма ныхас кодтой Цæгат Ирыстоны хицауады уæнгтæ æмæ таможнæйы службæйы æмархайдыл.