Цæгат Ирыстоны Парламенты скодтой куысты хатдзæгтæ
Цæгат Ирыстоны Парламенты скодтой куысты хатдзæгтæ. Ацы аз æркастысты 100 закъоныпроектмæ, 89-ыл дзы йæ къух æрфыста республикæйы сæргълæууæг Сергей Меняйло. Уый тыххæй журналисттæн фехъусын кодта Тускъаты Таймураз. Парламенты сæрдар куыд фæнысан кодта, афтæмæй уæлдай æргом здæхт æрцыд ахуырадмæ, культурæмæ, информацион политикæмæ. Парламенты 7-æм æмбырды ногдзинад у, районты кусæг æмбырдтæ арæзт кæй цыд, уый. Ахæм куысты фæткмæ гæсгæ депутатæ архайдтой фыццаг хатт. Зæгъын хъæуы уый, æмæ Парламент æнгом кусы муниципалон скондтимæ, депутаттæ æмбæлынц бынæттон цæрджытимæ, архайынц, цы политикæ æххæст кæнынц, уый хæрзхъæддзинадыл. Афтæмæй ис лыггæнинаг фарстаты тыххæй базонӕн æмæ сæ аиуварс кæнæн. Парламенты ахæм æмбырд ныр та уыдзæн Мæздæджы районы, февралы. Æмæ хуымæтæджы æвзæрст не 'рцыд. 2023 дæр ахæм куыст райдыдта Мæздæджы районæй. Ныр афæдзы фæстæ депутаттæ хатдзæгтæ скæндзысты бынæттон хиуынаффæйады оргæнты куыстæн. Фидæны ма Парламент æркæсдзæн туризмы къабазмæ дæр. Ныртæккæ закъонады размæ æвæрд ис дыууæ ахсджиаг фарстайы. Фыццаджыдæр, Цæгат Ирыстоны уникалон æрдз бахъахъхъæнын. Стæй уавæртæ аразын туризмы, уый хыгъд амалхъомады райрæзтæн. Тускъаты Таймураз фæнысан кодта, базарадон фæзтæ аразын хъæуы, ӕрдзӕн зиан кӕм нӕ хӕссой, ахæм рæтты. Пресс-конференцийы æрныхас кодтой æрвылбоны риссаг фарстатыл. Зæгъæм, журналистты бафæндыд, цæмæй депутаттæ фæлварæны хуызы спайда кæной æхсæнадон транспортæй. Тускъаты Таймуразæн ацы хъуыды йæ зæрдæмæ фæцыд, æмæ зæрдæ бавæрдта, депутаттæм æй кæй фæхæццæ кæндзæн, цӕмӕй иу бон куыстмæ æхсæнадон транпортæй бацæуой. Регионы цæрджыты ма тыхсын кæны мызды фарста. Тускъаты Таймураз фæнысан кодта Ног азы бæрæгбоны размæ фæрæзтæ ссарын кæй хъуыдис, цæмæй адæм декабры мызд райсой.
Цæгат Ирыстоны Парламенты скодтой куысты хатдзæгтæ. Ацы аз æркастысты 100 закъоныпроектмæ, 89-ыл дзы йæ къух æрфыста республикæйы сæргълæууæг Сергей Меняйло. Уый тыххæй журналисттæн фехъусын кодта Тускъаты Таймураз. Парламенты сæрдар куыд фæнысан кодта, афтæмæй уæлдай æргом здæхт æрцыд ахуырадмæ, культурæмæ, информацион политикæмæ. Парламенты 7-æм æмбырды ногдзинад у, районты кусæг æмбырдтæ арæзт кæй цыд, уый. Ахæм куысты фæткмæ гæсгæ депутатæ архайдтой фыццаг хатт. Зæгъын хъæуы уый, æмæ Парламент æнгом кусы муниципалон скондтимæ, депутаттæ æмбæлынц бынæттон цæрджытимæ, архайынц, цы политикæ æххæст кæнынц, уый хæрзхъæддзинадыл. Афтæмæй ис лыггæнинаг фарстаты тыххæй базонӕн æмæ сæ аиуварс кæнæн. Парламенты ахæм æмбырд ныр та уыдзæн Мæздæджы районы, февралы. Æмæ хуымæтæджы æвзæрст не 'рцыд. 2023 дæр ахæм куыст райдыдта Мæздæджы районæй. Ныр афæдзы фæстæ депутаттæ хатдзæгтæ скæндзысты бынæттон хиуынаффæйады оргæнты куыстæн. Фидæны ма Парламент æркæсдзæн туризмы къабазмæ дæр. Ныртæккæ закъонады размæ æвæрд ис дыууæ ахсджиаг фарстайы. Фыццаджыдæр, Цæгат Ирыстоны уникалон æрдз бахъахъхъæнын. Стæй уавæртæ аразын туризмы, уый хыгъд амалхъомады райрæзтæн. Тускъаты Таймураз фæнысан кодта, базарадон фæзтæ аразын хъæуы, ӕрдзӕн зиан кӕм нӕ хӕссой, ахæм рæтты. Пресс-конференцийы æрныхас кодтой æрвылбоны риссаг фарстатыл. Зæгъæм, журналистты бафæндыд, цæмæй депутаттæ фæлварæны хуызы спайда кæной æхсæнадон транспортæй. Тускъаты Таймуразæн ацы хъуыды йæ зæрдæмæ фæцыд, æмæ зæрдæ бавæрдта, депутаттæм æй кæй фæхæццæ кæндзæн, цӕмӕй иу бон куыстмæ æхсæнадон транпортæй бацæуой. Регионы цæрджыты ма тыхсын кæны мызды фарста. Тускъаты Таймураз фæнысан кодта Ног азы бæрæгбоны размæ фæрæзтæ ссарын кæй хъуыдис, цæмæй адæм декабры мызд райсой.