Елхот I Фæзминаг кæстæртæ

Кировы районы Культурæйы галуаны ныр 10 азы кусы балалайкæйыл æвзонг цæгъдджыты къорд. Разамынд ын дæтты музыкæ, балалайкæ æмæ сабитыл тынг æнувыд чи у, ахæм адæймаг - Реуазты Алан. Мах сæ бабæрæг кодтам репетициты рæстæг. Хистæр сывæллæттæ хъуамæ ацыдаиккой Железноводскмæ, национ культурæты 6-æм æппæтдунеон фестивалы архайынмæ. Балцы размæ ма иу хатт æркастысты сæ репертуармæ. Кæстæр артисттæ та сæхи цæттæ кодтой районы концертмæ. 00:00 - Программæйы сæр; 00:25 - Равдысты мидисы тыххæй. Йæ архайджытæ сты балалайкæйыл æвзонг цæгъдджытæ Елхотæй; 01:21 - Скъуыддзаг кæстæр къорды репетицитæй; 02:05 - Сывæллæттæ цæгъдынц "Эльбрус-красавчик"-ы мелоди; 02:57 - Реуазты Алан йæ кæстæр къорд "Струнки"-йы тыххæй; 04:20 - Сабитæ æмæ сæ ныййарджытæ ацы къорды тыххæй; 06:35 - Сывæллæттæ цæгъдынц "Лезгинкæ"-йы мелоди; 07:40 - Ныййарджытæ æмæ сывæллæттæ дзурынц сæ уарзондзинады тыххæй балалайкæмæ. Скъуыддзаг репетицитæй; 12:00 - Елхоты Культурæйы галуаны методист Хæлиты Ларисæ дзуры Реуазты Аланы куысты тыххæй сабитимæ; 12:50 - Скъуыддзаг хистæр къорды репетицитæй; 13:40 - Реуазты Алан йæ хистæр къорд "Сияние"-йы æнтыстдзинæдты тыххæй; 14:20 - Хи ист кадртæ æппæтдунеон фестиваль "На высоте Кавказских гор"-æй. Ансамбль "Сияние" дзы ссис 1-аг къæпхæны лауреат; 15:35 - Елхоты 3-æм скъолайы ахуыргæнæг Дзебысаты Оксанæ: "Нæ Ирыстоны ахæм кæстæртæ куы хъомыл кæна, уæд не `взаг æмæ не `гъдæуттæ нæ фесæфдзысты"; 16:50 - Саулохты Изетæ: "Реуазты Алан алы сывæллонмæ дæр кæсы, куыд йæхи хъæбулмæ, афтæ"; 17:40 - Ансамбль "Сияние" цæгъды "Коробейники"-йы мелоди; 20:30 - Реуазты Алан дзуры йæ хъомылгæнинæгтæ ма аивады æндæр хуызтæм дæр æмхиц кæй сты, уый тыххæй; 21:35 - Ансамбль "Сияние" цæгъды "Хонгæ"-йы мелоди. Равдысты кæронбæттæн.