Цæгат Ирыстоны райдыдта профессионалон дæсныйады чемпионат «Абилимпикс»

Дзæуджыхъæуы райдыдта профессионалон дæсныйæдты 5-æм чемпионат «Абилимпикс». 27-æй 29-æм сентябры онг дзы архайдзысты, йе 'нæниздзинад хъыгдæрд кæмæн у, уыцы адæм. Се 'хсæн - студенттæ, скъоладзаутæ, специалисттæ. Ерысы фæзтæ байгом сты 4 ахуырадон уагдоны. Уæлахизыл тох кæндзысты хæринаггæнджытæ, хъæддæснытæ, механиктæ. Æдæппæтæй конкурсмӕ хаст ӕрцыд 11 дæсныйады. Архайджыты куыстмæ лæмбынæг кæсынц эксперттæ. Ацы аз уыдзысты 60-йæ фылдæр. Æрвылаз конкурсанттӕн феххуыс кæнынц бархионтæ дæр. Æртæ боны дæргъы чемпионаты фæзуæттыл уыдзæн тымбыл стъæлттæ, равдыстытæ, дæсныйад æвдисæн ахуыртæ. Уæлахиздзаутæ та республикæйы командæйы хыгъды бацархайдзысты æппæтуæрæсейон финалы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv