Цӕгат Ирыстоны гриппы ныхмӕ прививкӕтӕ скӕнын фӕнд кӕнынц 400 мин адӕймагӕн

Цӕгат Ирыстоны гриппӕй прививкӕтæ скӕнынмӕ хъавынц 400 мин адӕймагӕй фылдӕрæн. Республикӕ ныридӕгӕн райста вакцинӕйы 117 мин дозӕйы бӕрц, уыдонӕй спайда кодтой 94%. Ныртӕккӕ ӕнхъӕлмӕ кӕсынц иннӕ партимæ. Ивгъуыд къуырийы æхснырсæгæй рынчынты нымæц эпидемиологон домæнæй къаддæр у 30,7%. Уыимӕ регионы ныридӕгӕн регистрацигонд цӕуынц гриппы низты цаутӕ. Уæрæсейы фæлхасгæнджытæм цæстдарды управлени амоны скъолаты, сывæллæтты рӕвдауӕндӕтты, медицинон ӕмӕ социалон кусæндæтты фӕтыхджындӕр кӕнын профилактикæйы мадзӕлттӕ — бæрæг кæнын кусджыты температурæ, агъуыстытæм сыгъдæг уæлдæф уадзын, дезинфекци ӕмӕ ӕрбацӕуджыты мониторинг.