Радон балц

Цæгат Ирыстоны хицауады сæрдар Тускъаты Таймураз абон ис кусæг балцы. Радон хатт бæрæг кæны республикæйы ахсджиаг социалон объектты арæзтадон куыстытæ куыд цæуынц, уый. Фыццаг бабæрæг кодта тарниз дзæбæхгæнæн диспансер. Уым куыстытæ кæронмæ фæхæццæ кæнынц. 10 корпусæй 6 сцæттæ сты. Ныртæккæ дзы мидæггаг куыстытæ цæуынц. Ног корпустæ ифтонг кæнынц хъæугæ кусæнгæрзтæй. Объект кусын райдайдзæн декабры. Хицауады сæрдаримæ кусæг балцы уыд æнæниздзинад хъахъхъæныны ног министр Годжыцаты Тамерлан. Хæдзар интернат «Узæлд»-ы ног корпусы цалцæггæнæн куыстытæ дæр тагъд фæуыдзысты. Бæрнон кусджытæ ма федтой 18-æм микрорайоны сывæллæтты рæвдауæндоны арæзтад. Уыдзæн дзы 280 бынаты. Республикæйы ахуырад æмæ наукæйы министры хæстæ æххæстгæнæг Людмила Башаринæ куыд фæнысан кодта, афтæмæй ног рæвдауæндон йæ дуæрттæ байгом кæндзæн февралы мæй. Ног рæвдауæндæттæ ма фæзындзæн Ирыхъæу æмæ Дачныйы поселочы. Уыдзæн дзы 120 бынаты. Йæ дуæрттæ байгом кæндзæн 2019 азы, сентябры. Терчы былгæрон физкультурон-дзæбæхгæнæн фæз дæр тагъд йæ хуыз скалдзæн. Къуыри фæстæ байгом уыдзæн. Баскетболæй, футболæй æмæ волейболæй хъазæн фæзтæ дзы уыдзæн, уымæй уæлдай тренажертæ æмæ згъорынæн фæндæгтæ. Тускъаты Таймураз ма уыд Зæронд Бæтæхъойы. Уым дæр кадджын уавæры байгом кодтой ног спортивон фæз. Сбæрæг кодта куыстыты хæрзхъæддзинад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv