Июбрь?

Хæстæгдæр рæстæг нæ республикæйы кæндзæн тыхджын дымгæ, рацæудзысты тæрккъæвдатæ. Гæнæн ис, æмæ их дæр æруардзæн. Уый тыххæй нын фехъусын кодтой Цæгат Ирыстоны Гирдрометцентры. Синоптикты ныхæстæм гæсгæ, цалдæр бонмæ нæ уæлдæфон уазал фронт йæ уацары бакæндзæн. Æрхæццæ нæм уыдзæн цæгат-ныгыуылæны `рдыгæй. Атмосферон æлхъывдад фæфылдæр уыдзæн. Тæвд æмæ æнтæф бонтæ та уазалтæй раивдзысты. Рæстæг цæхгæр кæй аивдзæн, уый тыххæй хъусын кæнынц æнæнхъæлæджы уавæрты министрады дæр. Цæгат Ирыстоны гидрометеорологи æмæ мониторинджы центры синоптик Светлана Сухова: «Фæкъаддæр уыдзæн температурæ дæр. Æхсæвы уыдзæн 15-20 градусы хъарм. Бонæй та 23-28 градусы. Фæлæ, кæй зæгъын æй хъæуы, ныртæккæ сæрд йæ тыхы бацыд. Июль у афæдзы æппæты тæвддæр мæй. Уый та ууыл дзурæг у æмæ та нæм хъарм бонтæ фæстæмæ раздæхдзысты». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv