Ахуырады фарстатæ

Математикон ахуырады ныллæг æмвæзад, фæлтæрдджын ахуыргæнджыты чысыл нымæц. Уыдæттæ æмæ `ндæр фарстатыл абон ныхас кодтой Цæгат Ирыстоны 2030-æм азмæ рæзты стратегимæ радон æркастыты. Арæзт æрцыдысты республикон наукон чиныгдоны. Ахуырады министры хæстæ `ххæстгæнæг Людмила Башарина цы проекттæ равдыста, уыдоныл хицауады уæнгты хъæудзæн бакусын. 2030-æм азмæ фæнд кæнынц математикон ахуырад республикæйы скъолаты фæбæрзоддæр кæнын. Химикон-биологон ахуыртæн дæр араздзысты сæрмагонд кълæстæ. Уæлдай æргом аздахдзысты курдиатджын сывæллæттæм. Проекттæй абоны бон бирæтæ кусынц. Ацы аз Цæгат Ирыстонæй 12 сывæллонæн фадат фæцис Сочийы ахуырадон центр «Сириус»-ы уæвынæн. Технологон парк «Кванториум»-ы сывæллæттæн фадат фæзындзæн наукон-техникон сфæлдыстады сæхи бафæлварынæн. Байгом уыдзæн 15-æм декабры. Сæ цæст æрдардзысты экономикон ахуырадмæ. Æрдзырдтой ма ирон æвзаг бахъахъхъæныны тыххæй дæр. Павел Игнатьев æмæ республикæйы экономикæйы министры хæдивæг Цориты Алетæ куыд зæгъынц, афтæмæй алы фарстамæ дæр бæрнон цæстæй æркæсдзысты. Ныртæккæ проекттæ æхцайы фæрæзтæй цух не сты. Республикæ архайы нысанмæ федералон программæты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv