Хуссар Ирыстоны федтой раззагазиаг фыранчы

Хуссар Ирыстоны федтой раззагазиаг фыранчы. Ахуыргæндты ныфс ис, уыцы фыранк Эльбрус кæй у, уый. Тугдзых сырды федтой Знауыры районы Цорбисы хъæумæ хæстæг. Уый тыххæй радзырдта Хуссар Ирыстоны геологи, экологи æмæ æрдзæй пайда кæныны комитеты разамонæг Бестауты Бала. Йæ ныхæстæм гæсгæ, бынæттон цæрæг комрæбын куы æрцæйуад, уæд йæ цæст æрхæцыд даргъ къæдзилимæ æнахуыр сырдыл. Асæй уый уыд куыдзæй стырдæр. Сырды фæдтæн систой къам æмæ сæ арвыстой Мæскуымæ экспертизæмæ. Æндæр бынæттон цæрæджы ныхæстæм гæсгæ, фыранк фенæн уыд биноклæй. Уæ зæрдыл уын æрлæууын кæндзыстæм, фыранк Эльбрус фесæфт декабры, Хуссар Ирыстоны хæхты. Хъуырбосы бæрæггæнæнтæм гæсгæ, къуыри йæ бынатæй не змæлыд. Цы йыл æрцыд, уый абон дæр бæрæг нæу. Спутниччы нысæнттæм гæсгæ, сырд кæнæ æххормагæй амард, кæнæ йæ хъуырбос йæхæдæг ратыдта. Зæгъдзыстæм ма уый, æмæ Азиаг фыранчытæ Эльбрус æмæ Волна Цæгат Ирыстоны национ парк «Алани»-йы ауагътой ивгъуыд аз, июлы. Сæрмагонд программæмæ гæсгæ сæ сахуыр кодтой æрдзон уавæрты хæдбарæй цæрыныл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv