Цæгат Ирыстоны коронавирусы ныхмæ домæнтæ фæуæгъддæр кодтой

Цæгат Ирыстоны коронавирусы ныхмæ домæнтæ фæуæгъддæр кодтой. Уый тыххæй оперативон штабы æмбырды фехъусын кодта Уæрæсейы фæлхасгæнджытæм цæстдарды регионалон разамынды сæргълæууæг Тыбылты Алан. Фæстæдæр сæрмагонд указ уый фæдыл бафыста Сергей Меняйло дæр. Цы аивтой? Зæгъæм, æхсæнадон социалон дæрддзæг æххæст кæнын нал хъæудзæн, хæрæндæтты дæр уæдæ стъæлттæ метр æмæ `рдæгæй хæстæгдæр æвæрынæн бар ратдзысты. Аивадон кусæндæттæн уыдзæн сæ залтæ æххæстæй дзаг кæныны фадат. Республикон клиникон рынчындон та рахиздзæн æрвылбоны куысты фæткмæ. Тагъд æххуысы клиникон рынчындоны байгом кæндзысты терапийæ æмæ медицинон реабилитацийы хайæдтæ. Уæрæсейы æнæниздзинадмæ цæстдарды регионалон службæйы куыд зæгъынц, афтæмæй Цæгат Ирыстоны ковидæй рынчынтæн ныртæккæ ис 512 бынаты уыдонæй ахст сты 286. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv